قازاقستان رەسپۋبليكاسى ۇكىمەتىنىڭ قاۋلىسى  №476

2015 جىلعى 24 ماۋسىم, استانا, ۇكىمەت ءۇيى «بىرىڭعاي جيناقتاۋشى زەينەتاقى قورىنىڭ زەينەتاقى قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 18 قىركۇيەكتەگى № 984 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «بىرىڭعاي جيناقتاۋشى زەينەتاقى قورىنىڭ زەينەتاقى قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 18 قىركۇيەكتەگى № 984 قاۋلىسىنا (قازاقستان رەسپۋبليكاسىنىڭ ءپۇاج-ى, 2013 ج., № 56, 771-قۇجات) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن بىرىڭعاي جيناقتاۋشى زەينەتاقى قورىنىڭ زەينەتاقى قاعيدالارىندا: مىناداي مازمۇنداعى 12-1-تارماقپەن تولىقتىرىلسىن: «12-1. مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى بۇرىن جاسالعان شارت بولعان كەزدە سالىمشى (الۋشى) مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارت جاساسقان جاعدايدا, ۋاكىلەتتى ۇيىم مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارت جاساعان جەكە تۇلعالاردىڭ بىرىڭعاي تىزىمىنە مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى جاڭا شارت تۋرالى مالىمەتتەردى ەنگىزەدى. مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى جاڭا شارت تۋرالى مالىمەتتەردى ۋاكىلەتتى ۇيىم مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارت جاساعان جەكە تۇلعالاردىڭ بىرىڭعاي تىزىمىندە قوسىمشا اقپارات تۇرىندە كورسەتەدى. مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى جاڭا شارت بويىنشا تۇسكەن مىندەتتى كاسىپتىك زەينەتاقى جارنالارى, ينۆەستيتسيالىق تابىس, ءوسىمپۇل جانە قازاقستان رەسپۋبليكاسىنىڭ زەينەتاقىمەن قامسىزداندىرۋ تۋرالى زاڭناماسىنا سايكەس وزگە دە تۇسىمدەر سالىمشىنىڭ (الۋشىنىڭ) مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى بۇرىن جاساعان شارت نەگىزىندە اشىلعان جەكە زەينەتاقى شوتىندا ەسەپكە الىنادى.»; 15-تارماق مىناداي رەداكتسيادا جازىلسىن: «15. سالىمشىعا (الۋشىعا) بجزق ۇسىناتىن زەينەتاقى جيناقتارىنىڭ جاي-كۇيى تۋرالى اقپاراتتا: 1) سۇراتىلىپ وتىرعان كەزەڭنىڭ باسىنداعى جاعداي بويىنشا زەينەتاقى جيناقتارىنىڭ سوماسى جانە ەسەپتەلگەن ينۆەستيتسيالىق تابىس سوماسى; 2) سۇراتىلىپ وتىرعان كەزەڭنىڭ سوڭىنداعى جاعداي بويىنشا زەينەتاقى جيناقتارىنىڭ سوماسى جانە ەسەپتەلگەن ينۆەستيتسيالىق تابىس سوماسى; 3) قازاقستان رەسپۋبليكاسى ۇلتتىق بانكىنىڭ باسقارماسى بەكىتكەن جانە سۇراتىلىپ وتىرعان كەزەڭنىڭ سوڭىندا قولدانىستا بولعان ينۆەستيتسيالىق تابىستان جانە زەينەتاقى اكتيۆتەرىنەن تۇسەتىن كوميسسيالىق سىياقىنىڭ شاماسى; 4) سۇراتىلىپ وتىرعان كەزەڭ ىشىندەگى كۇندەردى كورسەتە وتىرىپ, زەينەتاقى جارنالارىنىڭ, ءوسىمپۇلدىڭ, اۋدارىمداردىڭ, زەينەتاقى جيناقتارى تولەمدەرىنىڭ جانە (نەمەسە) ۇستالعان جەكە تابىس سالىعىنىڭ سوماسى; 5) سۇراتىلىپ وتىرعان كەزەڭ ىشىندەگى كۇندەردى كورسەتە وتىرىپ, سالىمشىنىڭ (الۋشىنىڭ) جەكە زەينەتاقى شوتىندا كورسەتىلەتىن وزگە دە وپەراتسيالاردىڭ سوماسى تۋرالى مالىمەتتەر قامتىلادى.»; 16-تارماقتا: 3) تارماقشا مىناداي رەداكتسيادا جازىلسىن: «3) سالىمشى (الۋشى) ەلەكتروندىق تسيفرلىق قولتاڭبانى جانە (نەمەسە) پايدالانۋشىنىڭ بەرىلگەن لوگينى مەن ءپارولىن پايدالانا وتىرىپ, ينتەرنەت قىزمەتتەرى ارقىلى ءوزى ءوتىنىش جاساعان كەزدە;»; مىناداي مازمۇنداعى 5) تارماقشامەن تولىقتىرىلسىن: «5) پوشتا بايلانىسى قىزمەتتەرىنىڭ كومەگىمەن.»; 17 تارماقتىڭ ءبىرىنشى بولىگى مىناداي رەداكتسيادا جازىلسىن: «17. تولەم كارتوچكاسى ارقىلى حاباردار ەتۋدى قوسپاعاندا, بجزق-نىڭ سالىمشىنى (الۋشىنى) وسى قاعيدالار بەكىتىلگەنگە دەيىن جاسالعان مىندەتتى زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارتتار بويىنشا وتكەن جىلداعى زەينەتاقى جيناقتارىنىڭ جاي-كۇيى تۋرالى جىل سايىن مىندەتتى حاباردار ەتۋى قارجى نارىعى مەن قارجى ۇيىمدارىن مەملەكەتتىك رەتتەۋدى, باقىلاۋدى جانە قاداعالاۋدى جۇزەگە اسىراتىن ۋاكىلەتتى ورگاننىڭ نورماتيۆتىك قۇقىقتىق اكتىسىندە بەلگىلەنگەن تارتىپپەن بجزق-عا بەرىلگەن ەلەكتروندىق فورماتتاردا كورسەتىلگەن تاسىلمەن جۇزەگە اسىرىلادى. جىل سايىنعى حاباردار ەتۋ شەڭبەرىندە زەينەتاقى جيناقتارىنىڭ جاي-كۇيى تۋرالى اقپاراتتا وسى قاعيدالاردىڭ 15-تارماعىندا كورسەتىلگەن مالىمەتتەر قامتىلادى.»; بىرىڭعاي جيناقتاۋشى زەينەتاقى قورىنىڭ زەينەتاقى قاعيدالارىنا 1 جانە 2-قوسىمشالار وسى قاۋلىعا 1 جانە 2-قوسىمشاعا سايكەس رەداكتسيادا جازىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 24 ماۋسىمداعى №476 قاۋلىسىنا 1-قوسىمشا قازاقستان رەسپۋبليكاسى ۇكىمەتىنىڭ 2015 جىلعى 24 ماۋسىمداعى №476 قاۋلىسىنا 2-قوسىمشا